Eat Bulaga Sydication - Sugod-Bahay sa Barangay Selection of Winners

Lately may napapansin ako sa panunuod ng Eat Bulaga. Ang pinaka-aabangan kong portion ay ang Sugod Bahay sa Baranggay, bukod sa Pinoy Henyo,

Dati pahirapan sila maghanap ng mga napipili nila. As in pagtawag kailangan nilang pakinggang maige kung anu ang address, Ipagtanong ng todo kung saan ung address.
Ang pinakamalupit na naalala ko nuon ay ung talagang ang layo ng nilakad nila at nasiraan pa sila ng camera. Sa may Northern Luzon Province yun eh. Somewhere in Nueva Ecija ata or Pangasinan. Dati din merong pagkakataon na wala ung nanalo. Hindi ang winner ang sumagot so nagdraw ulit sila ng bagong winner.

As in talagang hinahanap nila ng todo nuon. Hindi katulad ngayon na alam na alam na nila kung sino at saan ang bahay na pupuntahan nila. Aminin man sa hindi kaduda duda kung paano naging ganito ang takbo.

Napapansin nyo ba ang mga Winners na bumabati kay Kapitan?

"Maraming Salamat po sa Eat Bulaga, Kay Kap....." aktong tatakpan ni Jose ang bibig ng winner. Bawal yun... Sa ganung gesture ni Jose at sa pagsablay ng winner na pagpapasalamat kay Kapitan, Mukha atang pinili ni Kapitan kung sino ang dapat manalo. Wala pa akong matibay na ebidensya to prove this hypothesis pero I guess hindi lang ako ang mayroong ganitong hinuha.

Ang tanging proven lang na nalalaman ko ay alam na ng Eat Bulaga kung sino ang nanalo at kung saan ito. Lumalabas na peke ang paghugot pa ng registration papers ng mga magiging winner.
Non- sense yung bubunot pa sila sa Bowl at da- dial si Bossing ng number ng nanalo. Pano ko nasabi at na-prove??

Nanuod kasi ako ng live sa Eat Bulaga at before the segment. tinatawagan na ng staff ang winner to try kung naiintindihan nila o malinaw ang signal. More than twice silang kumokontak to try different networks. Proven na, pero kahit ganun, meron paring pagbunot sa bowl ng registrations.

Pero if ever naman hindi pa ako nakakapanuod ng live sa Eat Bulaga. Duda parin ako dahil kung titingnan mo.  Diretso na at wala ng gaanong tanong tanong kung saan ang address ng nanalo.

Mapapansin din na marami na ang taong nagaabang sa bahay ng mga winners. Nakahawi na automatically ang tao sa eskenita ng winner. Meron pa ngang pagkakataon na meron ng mga Banner sa bahay ng nanalo. Banner ng mga gustong masagi ng pagbati sa camera ng mga kapit-bahay.

Yung mga ganito ang nakakawalang gana ngayon na umasa na manalo sa patimpalak na ito ng Eat Bulaga. Kaya kung pumunta sila sa Barangay nyo, palagay ko kailangan nyong kaibiganin si Kapitan para pumabor sa inyo ang tadhana. Kung tadhana pa nga itong matatawag. Hindi na ito Chances but syndicated winning.

Eto pa ang isang magpapawala ng pag-asa na manalo dito kung kayo ay hindi nakatira sa lugar na maraming mahirap. So kung nakatira ka sa subdivision pero alam mong mahirap ka, wag ka ng umasa kasi hindi sila pupunta sa subdivision nyo.

Pero malay mo, i-try mo nalang kung desidido ka talaga. Pumunta ka sa Broadway Centrum at magtanong kung paano magpa-schedule ng Sugod Bahay sa Barangay. Sa pagkakaalam ko meron nito. Isa sa requirements eh Barangay Captain's consent. Malas mo pag ag Barangay Captain nyo eh Kapamilya (Solid Channel 2).

Kung me tanong ka pagusapan natin dito.